BrandPunt Gemeente is ’n kerk in Impala Park, Boksburg, aan die Oos-Rand van Gauteng. Ons is ’n gemeente waar mense God ontmoet, saam aanbid en groei in hulle verhouding met Jesus Christus.
Ons visie is om passievol te leef vir God, mekaar en die wêreld. Ons glo dat elke mens ’n plek het in God se familie en ’n rol kan speel om Sy Koninkryk uit te bou.
Ons verwelkom mense van alle ouderdomme om saam met ons te aanbid, geloof te ontdek en deel te word van ’n gemeenskap waar ons mekaar ondersteun en dien.
Jy is welkom by BrandPunt Gemeente!
In 2012 het die Here deur Jesaja 60 en 61 met pastoor Charl gepraat oor die begin van ’n nuwe generasie gemeente – ’n plek waar die Gees van die Here vrylik kan beweeg om te troos, te genees en te herstel.
Met ’n nuwe generasie verwys ons nie noodwendig na ouderdom nie, maar eerder na ’n gesindheid en ’n hart wat oop is vir God se beweging.
LEES MEER
Ons is ’n kerk wat lief is vir mense. Ons harte brand passievol vir God, vir mekaar en vir die wêreld.
Ons grootste begeerte en verantwoordelikheid is om God se teenwoordigheid sigbaar te maak in alles wat ons doen. Ons leef hierdie visie uit deur ’n persoonlike gebedslewe, liefde vir mense en gehoorsaamheid aan God se Woord.
LEES MEER
By BrandPunt Gemeente is daar ’n verskeidenheid bedieninge waarby jy betrokke kan raak. Of jy deel wil wees van ’n mans- of vrouebediening, ’n omgeegroep of een van ons ander bedieninge, daar is ’n plek waar jy kan groei en verhoudings bou.
Ons glo dat ons saam sterker is en dat elkeen ’n waardevolle bydrae tot die gemeente kan lewer.
LEES MEERPastoor Charl van der Linde is die presiderende pastoor van BrandPunt Gemeente in Boksburg. Hy is getroud met Lindy van der Linde, en saam het hulle twee pragtige kinders, Charne en Lené.
Ek is opgewonde om te sien hoe u geestelik gaan groei en dat u ’n plek in die liggaam van Christus sal ontdek. Ek glo net soos u fisiese liggaam aktief moet wees om gesond te bly, so moet u geestelik aktief wees om geestelik gesond te bly.
